ليش كل ها القد منحب الشام

واحد بيسألني ليش كل هل القد بتحبوا الشام

تنهدت وقلتله

الشام روحي وحياتي وروح شعبا وزوارها…

الشام هو اللي كانوا يسموه المدينة يعني سوق الحميدية وكانوا يسموه المدينة ويقولوا النسوان مننزل عالمدينة لنجهز العروس وبيت العروس من كل شي وآخر شي منفوت على بكداش لنحلي اللي معنا حلوان العرس وناكل ايمع عرب مدقوق…

الشام " class="wp-smiley" style="height: 1em; max-height: 1em;" />" class="wp-smiley" style="height: 1em; max-height: 1em;" /> هي رائحة البن بالبزورية…

وعجقة سوق الحميدية

وزيارة قصر العظم

هي أكل الدرا المشوي بالروضة

والبوظة عند بكداش ودامر

هي تلجات بلودان

وزهر الغوطة

هي سيران الشادروان

والمشاوي بالفيجة

والبطيخة بالنبع

وكرز مضايا  وبلودان وابوزاد  والقعدة بالمطعم…وسفرجل الاشرفية وجانرك بسيمة ووادي بردى، ونبع بردى…

هي النومة بارض الديار ببيتنا العربي بعد ما كانت ستي تشطف الارض من مية البير الباردة بتدقها بالطرنبة،

والياسمين والنارنج والكباد وروايحهم اللي بتشق القلب،

هي شرب مية الفيجة الباردة من الحنفية بيوم صيف،

وعرقسوس رمضان والتمر الهندي والتوت الشامي…

الشام هي طلعات الكشافة بالأعياد في القصاع وباب توما…

الشام " class="wp-smiley" style="height: 1em; max-height: 1em;" />" class="wp-smiley" style="height: 1em; max-height: 1em;" /> هي اجتماع العيلة وسكوت الجميع بالبيت والمحلات ولايبقى سوى الراديو لنسمع المساعد جميل والرائد هشام وطبعا الأستاذ مصباح المتهم بمعظم القضايا في حكم العدالة كل يوم ثلاثاء

هي مايطلبه الجمهور في التلفزيون السوري يوم الأربعاء لمشاهدة … أحدث الأغاني

وهي كمان بالتلفزيون آخر البرنامج موسيقى (غدا نلتقي) يوميا قبل النوم…

هي سوق الجمعة آخر الليل وخبز التنور مع الفول عند بوز الجدي وجمعة الشباب الحلوة بقهوة قصر البلور بباب توما (وكنا نسميها قهوة الجرادين) مرة بالاسبوع  على اكلة سمك وسلطة الطرخون بالتوم الغير شكل  مافي اطيب من هيك…

هي روحة الشلة على حمام السوق مرة بالجمعة وأكلة التسقيية بالسمنة مع الصنوبر … جووات الحمام…

هي طلعة مضايا مع الشلة والرعبة من دوريات التفتيش أن تكشف البواط الإيطالية وجاكيتات الجلد ….. يللي لابسينها

هي الكنافة النابلسية عند أباظة…وبوظة بكداش الدق…

هي شاورمة أبو العبد يللي بدك تاكللك شي عشرة ولسا بدك أكتر ومابتشبع…

هي الشوكلامو بالتوليدو جنب جنينة الجاحظ ….. أيام ماكان .. توليدو

الشام " class="wp-smiley" style="height: 1em; max-height: 1em;" />" class="wp-smiley" style="height: 1em; max-height: 1em;" /> سكبه من عند الجيران وأوم إبني أسأل جارتنا جبلك شي من السمان

الشام الليموناضة الجامدة من محل ابوفاروق بالقيمرية…الشام دكانة ابي الله يرحمو بالقيمرية، ويركض يجبلي كاسة ليموناضة الجامدة من عند جارو ابو فاروق…لما بزورو وبالشتي يفطرني فول مدمس من عند ابو فاروق بالمحل التاني…والخبزات التازة من فرن ابوالياس براس القيمرية…

الشام عرق سوس وتمر هندي برمضان من العيبه وبطريقك كيلو مشبك وأصابع وعوامه…

الشام" class="wp-smiley" style="height: 1em; max-height: 1em;" />" class="wp-smiley" style="height: 1em; max-height: 1em;" /> ريحه الملوخيه معبيه الحاره وجارتنا طابخه باميه ورز وتعبشق روائح الطبخ بحارتنا من عند كل الجيران

الشام" class="wp-smiley" style="height: 1em; max-height: 1em;" />" class="wp-smiley" style="height: 1em; max-height: 1em;" /> ريحه المعمول معبيه الحاره  قبل الاعياد …وخود هدول دوقهن للجيران قللن كل سنة وانتو سالمين بتلقكن امي…

الشام" class="wp-smiley" style="height: 1em; max-height: 1em;" />" class="wp-smiley" style="height: 1em; max-height: 1em;" /> تفتيله للصبح من الصالحيه والجسر الأبيض يلي انا اشتريت بدلة عرسي منه

وعالحمديه والبزوريه وبطريقنا بنطلع من باب توما وكلو مشي

الشام" class="wp-smiley" style="height: 1em; max-height: 1em;" />" class="wp-smiley" style="height: 1em; max-height: 1em;" /> الركد عالسرفيس لنلحق حالنا لو طلعنا من الشباك ويمكن ما يصحلنا نركب بس ماحدا بنام عموقف الباص

الشام" class="wp-smiley" style="height: 1em; max-height: 1em;" />" class="wp-smiley" style="height: 1em; max-height: 1em;" /> زياره التربه بصبحيه العيد وكل واحد حامل باقه آس واول زياره عند الام أو الاخت الكبيره

الشام" class="wp-smiley" style="height: 1em; max-height: 1em;" />" class="wp-smiley" style="height: 1em; max-height: 1em;" /> ريحه الخيار البلدي والكرز والتفاح الشامي وعجقه المونه والزيتون والمكدوس وبوسه أيد الاب والام والخال والخاله والعمه

الشام" class="wp-smiley" style="height: 1em; max-height: 1em;" />" class="wp-smiley" style="height: 1em; max-height: 1em;" /> الرمان المعلق بالبلكون والتوم المجدول، ومونه الفول والبازلا والملوخيه والباميه.

الشام يعني الطرخوم يلي ماحدا بيعرفو غيرها والخس الله هالدايم وعشرة بورقة ياصايم…

الشام بالصيف بالليل ومفرش الصبارة وباردة وعالندي…

وفِي حدا ما زار الشام وطلع على قاسيون وطل على بيوتها الغفيانه بأمان

هي هي الشام " class="wp-smiley" style="height: 1em; max-height: 1em;" />" class="wp-smiley" style="height: 1em; max-height: 1em;" />

وبعدك بتسأل ليش منحب الشام